Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, 43-րդ հոդվածի 2-րդ մասի 1-ին կետով, Հարկային օրենսգրքի 230-րդ հոդվածի 1-ին մասի 4-րդ կետով, Հայաստանի Հանրապետության Կառավարության 2009 թվականի սեպտեմբերի 17-ի N1066-Ն որոշման N1 հավելվածի 2-րդ մասի պահանջներով, ուսումնասիրելով քաղաքացի Արթուր Զաքարյանի դիմումը/Ք-848, 20․01․2023թ․/ և հիմք ընդունելով ՀՀ Արարատի մարզի գյուղատնտեսական նշանակության հողերի հողատեսքերի փոփոխման մարզային հանձնաժողովի 07.02.2023թ. թիվ 1/1 և Արտաշատի համայնքապետարանի աշխատակազմի աշխատակիցների կողմից կազմված  արձանագրությունները՝ որոշում եմ․

1.Արտաշատ համայնքի Վարդաշեն գյուղում գտնվող, Արթուր Զաքարյանին սեփականության իրավունքով պատկանող, 03-089-0105-0007 կադաստրային ծածկագրով 0,3858 հա հողամասը բարձրարժեք՝ բազմամյա տնկարկ /խաղող/ հողատեսքից փոխադրել ավելի ցածրարժեք՝ կորիզավոր հողատեսքի /0,1 հա-ը՝ նորատունկ/:

2.Համայնքապետարանի աշխատակազմի քաղաքաշինության և հողաշինության բաժնին՝ կատարել համապատասխան փոփոխություն համայնքի հողային հաշվեկշռում:

3․Համայնքապետարանի աշխատակազմի եկամուտների հաշվառման բաժնին՝ ապահովել 0,1 հա հողակտորի՝ անշարժ գույքի հարկից ազատման արտոնության գործընթացը։

4․Սույն որոշմամբ սահմանված փոփոխությունները ենթակա են պետական գրանցման Հայաստանի Հանրապետության կադաստրի կոմիտեում։

5․Որոշումն ուժի մեջ է մտնում պաշտոնական հրապարակմանը հաջորդող օրվանից: