Գլխավոր էջ

05.06.23 ՀԱՄԱՅՆՔԻ ՂԵԿԱՎԱՐԸ ՇՆՈՐՀԱԿԱԼԱԳԻՐ Է ՀԱՆՁՆԵԼ ՖՐԱՆՍԱՀԱՅ ԲԺՇԿԻՆ

Համայնքապետ Կառլեն Մկրտչյանն այսօր ընդունել է ֆրանսահայ բժիշկ, ‹‹Հայ-մեդ›› բժշկական միության նախագահ Ժան-Միշել Էքերյանին, ով այս օրերին բուժքրոջ՝ Վալերի Սայարի հետ բարեգործական հերթական ծրագրի շրջանակներում դարձյալ մեր համայնքում է: Պարոն Մկրտչյանը շնորհակալություն է հայտնել միության նախագահին՝ բարի կամքի և համայնքի խոցելի խմբերի համար իրականացվող ծրագրերի համար, ինչն օգնում է շատ ընտանիքների բարելավել իրենց առողջական վիճակն ու սոցիալական պայմանները: Իր հերթին ֆրասահայ բժիշկը կարևորել է համայնքապետարանի հետ համագործակցված աշխատանքը, որը թույլ է տալիս բժշկական և սոցիալական օգնության ծրագրերն առավել հասցեական և արդյունավետ իրականացնել: Համայնքի ղեկավարը ... Մանրամասն

03.06.23 ԱՍՖԱԼՏԱՊԱՏՎԵԼ Է ԱՐՑԱԽՅԱՆ ՊԱՏԵՐԱԶՄՆԵՐԻ ՆԱՀԱՏԱԿՆԵՐԻ ՀԻՇԱՏԱԿՆ ՀԱՎԵՐԺԱՑՆՈՂ ՔԱՂԱՔԱՅԻՆ ՊԱՆԹԵՈՆԻ ՃԱՆԱՊԱՐՀԸ

Համայնքում ընթացող ասֆալտապատման և բարեկարգման աշխատանքների շրջանակներում կարևոր մի ծրագիր է իրականացվել։

Ասֆալտապատվել է Արտաշատի Արցախյան պատերազմների մարտիրոսված հերոսների հիշատակին կառուցված քաղաքային պանթեոնի ճանապարհահատվածը։

Աշխատանքները ներառել են մուտք տանող հատվածը և միջին ճանապարհները։

Աշխատանքներն իրականացվել են 2022 թվականի սուբվենցիոն ծրագրի շրջանակներում։

02.06.23 ՀՈՒՆԻՍԻ 1-Ը՝ ԱՐՏԱՇԱՏ ՀԱՄԱՅՆՔՈՒՄ

Հունիսի 1-ի` տարվա ամենաուրախ ու սպասված տոնի առթիվ Արտաշատի համայնքապետարանի նախաձեռնությամբ համայնքի փոքրիկ բնակիչներին հեքիաթային ու գունեղ օր պարգևելու նպատակով, կազմակերպվել են մի շարք միջոցառումներ: Գյուղական բնակավայրերում երեխաներին հյուրընկալվել են նրանց սիրելի մուլտֆիլմերի և հեքիաթների հերոսները, խաղեր ու գեղեցիկ միջոցառումներ կազմակերպել։Տոնական օրը նաև քաղցր անակնկալով է եղել` պաղպաղակի հյուրասիրություն բոլոր երեխաներին։ Իսկ օրվա գլխավոր միջոցառումը` երեխաների համար բազում անակնկալներով լեցուն, կայացել է երեկոյան, համայնքապետարանի հարակից հրապարակում, որտեղ տոնական ու ջերմ տրամադրություն էր տիրում: Գունագեղ փուչիկներ, ուրախ ... Մանրամասն

01.06.23 ԱՐՏԱՇԱՏ ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԻ ՇՆՈՐՀԱՎՈՐԱՆՔԸ` ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐՎԱ ԱՌԹԻՎ

Սիրելի երեխաներ, մեր համայնքի փոքրիկ ու ամենասիրելի բնակիչներ, սրտանց շնորհավորում եմ բոլորիդ՝ ամառային այս գեղեցիկ ու բարի տոնի՝ Երեխաների իրավունքների պաշտպանության միջազգային օրվա առթիվ։ Մաղթում եմ ձեզ երջանիկ ու գունեղ մանկություն, խաղաղ ու կապույտ երկինք և ուզում եմ, որ իրականություն դառնան ձեր բոլոր լուսավոր իղձերը: Դուք եք մեր ապագան, մեր վաղվա օրը: Ուստի մեր պարտքն է ապահովել ձեզ համար բարեկեցիկ պայմաններ, որպեսզի դուք մեծանաք սիրված ու պաշտպանված` մեծերիս հոգատարությամբ պարուրված: Երեխաների շահերի պաշտպանությունը, նրանց համար բարեկեցիկ միջավայր ապահովելը շարունակում է գերակա մնալ Արտաշատի համայնքապետարանի աշխատանքում, մեր խնդիրն է անել հնարավորն ու անհնարինը, որ դուք, ... Մանրամասն

30.05.23 ԱՐՏԱՇԱՏ ՀԱՄԱՅՆՔԸ՝ «ՃԱՆԱՉԻՐ ՀԱՅԱՍՏԱՆԸ» ԶԲՈՍԱՇՐՋԱՅԻՆ ՑՈՒՑԱՀԱՆԴԵՍԻՆ

Մայիսի 27-28-ը Զբոսաշրջության կոմիտեի կողմից կազմակերպվել էր «Ճանաչիր Հայաստանը» երկօրյա մարզային զբոսաշրջային ցուցահանդեսը, որի նպատակն էր ներկայացնել Հայաստանի բոլոր մարզերի զբոսաշրջային առանձնահատկություններն ու առկա ներուժը, արկածային տուրիզմի հնարավորությունները, հարուստ մշակութային ժառանգությունն ու խոհանոցը։ Ցուցահանդեսին ‹‹Նոյի կանգառը․ քո կանգառը›› կարգախոսով Արարատի մարզը ներկայացրել են Արտաշատ ու Վեդի համայնքները՝ գեղեցիկ ու գողտրիկ տաղավարով, որտեղ ցուցադրվել են Արարատյան դաշտավայրի արևահամ բերք ու բարիքը, անուշահամ չրերը, տեղական արտադրության ուտեստներ: Այցելուներին հատկապես հիացրել է մեր համայնքի Շահումյան բնակավայրից վարպետ Գրիգորի պատրաստած ... Մանրամասն

29.05.23 ՀԱՆՐԱՊԵՏՈՒԹՅԱՆ ՏՈՆԸ՝ ԱԶԱՏԻ ՋՐԱՄԲԱՐԻ ԱՓԻՆ

Արտաշատ համայնքում գեղատեսիլ Ազատի ջրամբարի ափին նշվեց Հանրապետության տոնը։Հնչեց ՀՀ օրհներգը։Ներկաներին իր օրհնությունը բերեց Արտաշատի Սուրբ Հովհաննես Ավետարանիչ եկեղեցու հոգևոր հովիվ Տեր Երվանդ քահանա Բաբայանը։ Տոնական օրվա առթիվ շնորհավորեցին ԱԺ պատգամավոր Հովիկ Աղազարյանը և համայնքապետ Կառլեն Մկրտչյանը։Պարոն Մկրտչյանը ջերմորեն շնորհավորեց բոլորին մայիսյան հերոսամարտերի և Հայաստանի Առաջին Հանրապետության հռչակման առթիվ՝ նշելով, որ հայ ժողովրդի միասնական կամքն ու ապրելու ձգտումը կոտրել հնարավոր չէ: Եվ 105 տարի անց էլ մայիսի 28-ի խորհուրդը մեկն է՝ միասնական լինելու դեպքում մենք իսկապես անպարտելի ենք: Միջոցառման ընթացքում համայնքի շնորհալիների կատարմամբ ... Մանրամասն

28.05.23 ԱՐՏԱՇԱՏ ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ` ՀԱՆՐԱՊԵՏՈՒԹՅԱՆ ՏՈՆԻ ԱՌԹԻՎ

Սիրելի հայրենակիցներ, Արտաշատ միավորված համայնքի սիրելի բնակիչներ, ջերմորեն շնորհավորում եմ բոլորիս` Հայաստանի Առաջին Հանրապետության տոնի առթիվ: Այսօր մենք տոնում ենք մեր պատմության ամենափառահեղ իրադարձություններից մեկը՝ Առաջին Հանրապետության հիմնադրման օրը, որն հռչակվեց 1918 թվականի մայիսի 28-ին՝ Սարդարապատի, Բաշ-Ապարանի, Ղարաքիլիսայի հերոսամարտերից հետո: Հայոց անկախ պետականության վերականգնումը շրջադարձային եղավ և նոր էջ բացեց հայ ժողովրդի նորագույն պատմության մեջ: Այն դարձավ հաղթանակի, վերածննդի ու ազատության խորհրդանիշ յուրաքանչյուր հայի համար: Հայ ժողովուրդն աննկարագրելի ինքնազոհողությամբ ու սխրանքներով նվաճեց անկախ պետականություն ունենալու իրավունքը: Այսօր էլ մայիսի 28-ի խորհուրդը ... Մանրամասն

27.05.23 ՄԱՐԶMARKETԸ՝ ԱՐՏԱՇԱՏՈՒՄ

Արտաշատի համայնքապետարանի մերձակա հրապարակում այսօր անցկացված ՄարզMarket միջոցառման շրջանակներում Արարատի մարզի բիզնես նախաձեռնելու դրամաշնորհ ստացած շուրջ 50 ընտանիքներ ներկայացրեցին իրենց արտադրանքը և ծառայությունները: Տաղավարներում ներկայացված էին ամենատարբեր ոլորտի՝ սննդի արտադրությունից մինչև դարբնի, փայտյա, ձեռագործ աշխատանքներ, արծաթյա զարդեր, գեղեցկության և տաքսի ծառայություններ: ԱԺ պատգամավոր Հովիկ Աղազարյանը, Արարատի մարզպետ Սեդրակ Թևոնյանը, Արտաշատի համայնքապետ Կառլեն Մկրտչյանը Հայաստանի սոցիալական աշխատողների ասոցիացիայի նախագահ Միրա Անտոնյանը շրջեցին տաղավարներով, ծանոթացան ցուցահանդեսի մասնակիցների բիզնես ծրագրերին, հետաքրքրվեցին դրանց ընթացքով, ինչպես նաև ծանոթացան ... Մանրամասն

26.05.23 ՀԱՄԱՅՆՔԻ ՂԵԿԱՎԱՐԸ ՇՆՈՐՀԱՎՈՐԵԼ ԵՎ ԲԱՐԻ ԵՐԹ Է ՄԱՂԹԵԼ ՇՐՋԱՆԱՎԱՐՏՆԵՐԻՆ

Արարատի մարզպետ Սեդրակ Թևոնյանն ու Արտաշատի համայնքապետ Կառլեն Մկրտչյանն այսօր համայնքի Սուրբ Հովհաննես եկեղեցու բակում շնորհավորել են Արտաշատի ավագ դպրոցի շրջանավարտներին՝ Վերջին դասի առթիվ: Նրանք մաղթել են, որ հիշարժան ու կարևոր այս օրը հաջողությունների սկիզբը լինի նոր ու լուսավոր կյանքի ճանապարհի և շնորհակալություն են հայտնել մանկավարժներին ու ծնողներին: Ներկաներին իր օրհնությունն է բերել Սուրբ Հովհաննես եկեղեցու հոգևոր հովիվ Տեր Երվանդ քահանա Բաբայանը:Այնուհետ դպրոցն ավարտող սաները շնորհակալություն են հայտնել ուսուցիչներին հոգատարության և փոխանցած գիտելիքի համար և օրն ամփոփել են միասնության շուրջպարով: Շրջանավարտներին բարի երթ է մաղթել նաև դպրոցի տնօրեն Եպրաքսյա Սիմոնյանը: Ավելի ... Մանրամասն

26.05.23 ՀԱՄԱՅՆՔԻ ՂԵԿԱՎԱՐ ԿԱՌԼԵՆ ՄԿՐՏՉՅԱՆԸ ՇՆՈՐՀԱՎՈՐԵԼ Է ԴՊՐՈՑԱԿԱՆ ՎԵՐՋԻՆ ԴԱՍԻ ԱՌԹԻՎ

Սիրելի շրջանավարտներ, սիրով շնորհավորում եմ Ձեզ դպրոցական Վերջին դասի առթիվ: Ձեր կյանքում նշանակալից այս շրջափուլը` դպրոցական ուսումնառության ավարտը ազդարարում է կյանքի նոր փուլի մեկնարկը, որը մաղթում եմ, որպեսզի ձեզ համար հաջողություններով ու հաղթանակներով լի լինի: Ձեզ բազում հաջողություններ եմ մաղթում մասնագիտական կրթության ոլորտում: Շնորհավորանքի խոսք եմ հղում նաև ուսուցիչներին և շրջանավարտների ծնողներին: Սիրելի մանկավարժներ, ձեզ համակած հուզմունքով ու հպարտությամբ եք ձեր սաներին ճանապարհում դեպի փորձություններով լի կյանք, որտեղ ձեր տված գիտելիքներն ու հմտություններն օգնելու են նրանց հաղթահարելու շատ դժվարություններ, կայանալու որպես մասնագետ ու մարդ: Սիրելի շրջանավարտներ, ... Մանրամասն

1 2 3 4 5 6 7 8 9 10 ...